Shownotes
လူဦးရေ သန်း ၅၀ ကျော်တဲ့ မြန်မာပြည်သူတွေဟာ ကမ္ဘာ့ကပ်ရောဂါရဲ့ နောက်ဆက်တွဲဒဏ်ကိုသာမက၊ မတရားစစ်အာဏာသိမ်းမှုကြောင့် ဖြစ်ပေါ်လာတဲ့ အဖက်ဖက်က ယိုယွင်းပျက်စီးမှုတွေကိုပါ ခါးစည်းခံစားနေကြရပါတယ်။ ဒီလိုအကျပ်အတည်းတွေကြားက အာဏာရှင်တွေဟာ သူတို့အာဏာတည်မြဲရေးအတွက် "တရားမဝင် အတုအယောင်ရွေးကောက်ပွဲ" ကို အတင်းအကျပ် ဖန်တီးပုံဖော်လာခဲ့ကြပါတယ်။
ဒီနေ့ Podcast အပိုင်းမှာကတော့...
စစ်အာဏာရှင်တို့ရဲ့ ရွေးကောက်ပွဲကို အများပြည်သူက ဘာကြောင့် တရားမဝင်တဲ့
ရွေးကောက်ပွဲတစ်ခုအဖြစ် သတ်မှတ်နေကြပါသလဲ?
လက်ရှိ မြန်မာပြည်အနှံ့မှာ ဒီရွေးကောက်ပွဲနဲ့ ပတ်သက်ပြီး ဘယ်လို ဖိနှိပ်ခြိမ်းခြောက်မှုတွေ ဖြစ်ပွားနေပါသလဲ?
ပြည်သူတွေရဲ့ ရင်ထဲမှာ အမှန်တကယ် မျှော်လင့်တောင့်တနေတဲ့ နိုင်ငံရေးအဖြေက ဘာဖြစ်မလဲ?
အစရှိတဲ့ မေးခွန်းပေါင်းများစွာကို ဧရာဝတီတိုင်းနှင့် ပဲခူးတိုင်းဒေသကြီးအတွင်း နေထိုင်ကြတဲ့ ပြည်သူနှစ်ဦးရဲ့ ကိုယ်တွေ့ရင်ဆိုင်ကြုံတွေ့ချက်တွေ ၊ သူတို့ပတ်ဝန်းကျင်မှာရှိတဲ့ ဖြစ်ရပ်မှန်တွေနဲ့ ပေါင်းစပ်ပြီး တင်ဆက်ပေးထားပါတယ်။
နိုင်ငံတကာမျက်မှောက်ရေးရာတွေမှာ အာဏာရှင်တွေရဲ့ ဝါဒဖြန့်မှုတွေကြောင့် ပြည်သူတွေ အမှန်တကယ်ခံစားနေရတဲ့ အခက်အခဲတွေကနေ ဖုံးကွယ်ခြင်း ခံထားရနိုင်ပါတယ်။ ဒါကြောင့် မြန်မာပြည်တွင်းက အခြေအနေမှန်နဲ့ ပြည်သူတွေရဲ့ အသံစစ်စစ်ကို သိရှိနားလည်နိုင်ဖို့ ဒီ Podcast လေးကို အဆုံးထိ နားဆင်ကြည့်ရှုပေးကြဖို့ ဖိတ်ခေါ်လိုက်ရပါတယ်။
