Ná nog ‘n week van voortslepende kragonderbrekings is die meeste van ons gefrustreerd en moedeloos. Dit voel of beurtkrag erger as ooit is, die huidige situasie ís volgens Eskom se bestuur “een van die laagtepunte”. Maar dinge kán erger raak as daar nie daadwerklik opgetree word, en Eskom “so spoedig moontlik addisionele kapasiteit” bykry nie. Maar waar sal dit vandaan kom? Mia Spies vra vir Eskom se bedryfshoof Jan Oberholzer al jou beurtkrag vrae: Die ‘hoe’, ‘hoekom’, en ‘hoe lank nog’.